القائمة إغلاق

اهل المنصوره الى اين….. مقال جديد عنوانه الحزن

كتبت/إيمان الشربيني

أهل المنصوره الى اين…..؟؟؟

ذبح وسرقه وقتل واغتصاب وانتحار يااهل المنصوره الكرام محدش يشترى منى شوية أخلاق من بتوع زمان.. تراجعت الأخلاق وإنعدمت النخوة وأصبحنا نرى الشكل والضرب ونقول مالناش دعوه ونحفظ أولادنا لاتتدخلوا واحد بسرق ست كبيره مالناش دعوه… أخ بياكل ورث إخواته مالناش دعوه… ونعلم ولادنا خذوا على قدر ماتقدروا إحنا بنأمن أولادنا…. أخ تموت اخته فيغتصب طفلتها وتدارى الجده ويفضح الأمر ف مستشفى المنصوره الدولى… أخ يحرق أخته طمعا ف شقتها… أخ يأجر أصحابه يخطفوا أخته ويتعدوا عليها لتتنازل له عن أرضها واموال أبيها… وأخيرا شاب يذبح زميلته لأنها رفضته… وأخر يلقى بنفسه بعربته من فوق الكوبرى… وأخر ينتخر رميا ف النيل.. وسائق أتوبيس يدهس نساء…. إحنا راحين ع فين…قصور التربيه وإنعدام الاخلاق وموت الضمير هما حجر الزاويه…. زمان كانوا بقولوا لنا… ساعد الناس… قول الحق… رد من حولك عن الظلم… انسب الفضل لاهله… لاتنكر الجميل…. ربى أولادكم صح… فين محل الاخلاق بتاع زمان نشترى منه شويه…. المنصوره اللى كانت عروس الدلتا جمالا وخلقا… الى اين؟؟؟