القائمة إغلاق

الجلطات……..بقلم دكتور جمال شعبان

بقلم دكتور جمال شعبان

ازاي واحد يبقي في العشرينيات تجي له جلطة في شرايين المخ ويموت فجأة

ويعني ايه جلطة المخ والسكتة الدماغية

وهل ممكن وجع البطن يكون من مقدمات الجلطة

وايه أهم إشارة تحذيرية للجلطات

الجلطة يعني كتلة من خلايا الدم بتتجمع وتلزق في بعضها وتلزق في جدار الشريان وتقفله فالدم اللي وظيفته يجري في الشريان ويروح يغذي الخلايا يتوقف والخلايا اللي مش واصل لها الدم تتوقف عن العمل وقد تتلف وتموت

نوعين من الخلايا لما بيموتوا مفيش خلايا تانية تعوضهم وتنمو مكانهم هما خلايا المخ والقلب

لو الجلطة كبيرة وفي شريان كبير بيغذي مساحة كبيرة من المخ ممكن تحصل سكتة دماغية يتوقف المخ عن العمل وربما تحدث الوفاة

الكلام نفسه ينطبق علي السكتة القلبية لما شريان القلب الكبير تتكون جواه جلطة وينسد انسدادا كليا

هل وجع البطن ممكن يكون سببه جلطة ؟!

ايوه جلطة الشريان التاجي الخلفي تسبب وجع وحموضة وحرقان في المعدة

جلطة شرايين الأمعاء

تسلخ وتمدد الأورطي ممكن تحصل جواه جلطة

ايه اللي يخلي شاب صغير تجي له جلطة ؟!

التدخين المسكنات مشروبات الطاقة والمنشطات المخدرات تاريخ وراثي بارتفاع الكولسترول والدهون وقابلية التجلط وطبعا الضغط المرتفع ومرض السكر

ايه أهم علامة تحذيرية لجلطة المخ صداع تنميل في جانب من الجسم اختلال درجة الوعي

هل الوقت يفرق في جلطات المخ والقلب؟!

طبعا الوقت الذهبي الدقايق او الساعات الاولي قد تنقذ حياة الشخص لو تم التدخل بالقسطرة او الادوية التي تذيب الجلطة الكلام دا ينطبق علي المخ والقلب

هل الزعل والتوتر والصدمات العاطفية ممكن تعمل جلطة ؟!

طبعا ممكن تكسر القلب وتؤدي الي اعتلال عضلة القلب ويمكن تتسبب في جلطة في المخ او القلب

هل كوڤيد ١٩ بسبب جلطات ؟!

نعم كورونا المستجد مرض أوعية دموية قد يتسبب في جلطات في القلب والرئة والكيد والكلي والمخ

حفظكم الله من الجلطات #ما_تزعلوش