القائمة إغلاق

قصيده بعنوان …خوارج العصر

بقلم / سامي سالم

شئ عجيب لما تلاقي الجاني أصبح مظلوم
والمظلوم أصبح ظالم وبقي شئ محسوم
ودموع الجاني مسرحيه وإسمها مقسوم
والمجني عليه ف حكمهم بقي مزموم
والحق هنا بقي محكوم
ماهي برده عقول لعجول
عملوك نبي ورسول هو دا شئ معقول
شاء القدر يامرسي قيامتك تقوم
شايل علي كتافك من الذنوب تلول
وعند ربك فصل الحكايه وإيه هتقول
غيرتم شكل الزمن والإنسان كله هموم
والصح بقي غلط والغلط بقي معصوم
بفتوي لجاهل عن الحق صار مجنون مخبول
والحق دفناه في الثري وصار مرحوم
والباطل معاه حصانه بلسان مشئوم
قول علي المنابر ياخاين من مصر لن تنول
تآلوا علي الله بآيه وبأحاديث الرسول
والدين بيقول عليكم دا كلام مسموم
وكلامكم بقي واقف ف الحلقوم
والشر ف الآخر لازم يكون مهزوم
خاف ياظالم من يوم أكيد معلوم
دنيا بقت كده عما وغبا وعدا
ومين إللي يقول كده
ومين إللي يكون صوته كالصدي
والعمر خلاص إنقضي
والكلام ف إللي مضي
كلام ف الفضا
يارب دعوانا بالهدي
كابتن ،،، سامي سالم
نقيب بحريه متقاعد