القائمة إغلاق

الدكتورة مجدولين مجدى الجعفري للسمنه والنحافة

الكاتبه /مروه جوده

ماهو اكتر شئ يساعد مريض الادمان علي التعافي سؤال يطرح نفسه ❓ أهل المريض أو أسرته أو ولي أمره تخيلو يا جماعه إن 75×100 من نجاح المريض وإتمام شفاؤه هيا أسرته بمعني إن اي مكان في الدنيا عمره ما يقدر يحقق نتيجه مع المريض ولا يقدر يساعدو مهما كان. المكان ده بيقدم خدمات علي اعلي مستوي اي مريض ادمان اصعب سنه في تعافيه هيا اول سنه من تعافيه ولو اهله متفهموش مشكلته عمره ما هيتعافي بمثال خلينا النهارده مع أي مريض تاني وليكن مريض سكر طبعا بيكون المريض مصطحب حد من أهله معاه. الدكتور بيدي ارشادات للمريض والمسئول عن الحاله اللي هو أهله وبيقعد ينبه شويه تنبيهات ويكون في تحذير بمواعيد الجرعات واي الاكلات اللي ممنوع منها طبعا لو المسئول عن الحاله مسمعش كلام الطبيب أو المعالج اللي هيحصل إن الراجل ده مش هيقدر يحاصر مرض السكر نفس الفكره مع مريض الادمان بيتم توعيه الاهل بأسباب التعافي وأسباب الانتكاس والمشكلة اللي لازم أهالي كتير تعرفها أنهم احيانا بيقضو علي اولادهم اه حقيقه ليه عشان بيختارو أسباب الانتكاس واحيانا الأهل هيا اللي بتكون عاوزه تعالج المريض علي مزاجهم طب ندي امثله وأخطاء كارثيه الاهل بتتبعها زي مثلا عاوزه اكلمو وهو لسه الفريق العلاجي محددش أو شاف أن الشخص ده مؤهل للمكالمه يبدأ هنا الاهل يعندو مع الفريق المختص ولا هنكلمو وبيحسسو المسئولين عن المريض أنهم خاطفينو 😃 لا الموضوع مش كده خالص لو الاهل تفهم انه بنبدأ نعودو إن عشان تعمل مكالمه لازم تتبع البرامج العلاجيه اللي المكان شغال من خلالها ونفس الكلام في الزياره اخطاء شائعه انت خفيت – انت طلعلك زبيبه صلاه – احنا هنجوزك – بطل وهجوزك – بطل عشان نجيبلك عربيه -بطل عشان نسفرك -لو عمل حاجه تاني هنجيبو تاني يا جماعه دي روح مش للتجربه ممكن متعرفوش تجيبو تاني لانه ممكن يموت أو يتحبس كل دي أخطاء كارثيه حابب أوضح حاجه خصوصا الأمهات أو الاخوات البنات أو الزوجات لو المريض متزوج حضراتكم لما الراجل يدخل مكان العقل والمنطق بيقول أن خوفكم يقل مش يزيد ليه بقي لأن الراجل ده طول ما هو كان بره بيتعاطي كل ثانيه معرض فيها للموت أو للحبس لكن النهارده الراجل في مكان مش بطلب من حضراتكم تكونو جاحدين عليه بس متبقوش عاملين زي الدبه اللي قتلت صاحبها وعلي فكره الافلام اللي كانت بيتمثل فيها ادوار عن الادمان مش ده الحقيقي اللي بيكون مع المريض لازم تتفهمو مشكله ابنك او اخوكي أو زوجك وتكوني عون وعامل مساند للمكان اللي طلبتو مساعدته مش تكونو عائق لخطه علاجه والناس اللي بتساعدو لازم الاهل تستوعب إن الادمان ده مرض ومرض معترف بيه هو اه مش مرض عضوي بس هو مرض بيصيب العقل وبيسيطر علي الشخص دائما أنه يفضل باستمرار عنده رغبه في التعاطي ياريت تساعدو اي مختص لأننا لجأنا ليه عشان فشلنا مع ابننا فا ندي مساحه للناس تشوف شغلها هختم كلامي أن بدون وعي من الأهل وتفهم للمشكله عمر ما هيحصل استمرارية للشخص في تعافيه (والسلام عليكم ورحمه الله وبركاته) أ /اسامه عبد العظيم اخصائي واستشاري نفسي صحه نفسيه .