القائمة إغلاق

كامل عبدالظاهر يكتب : ع السريع .. افتتاح الكان ومصر وزيمبابوي

_ حفل افتتاح أسطوري بمعنى الكلمة .. شكرا لكل القائمين على الحفل بصفة عامة ومحمد فضل بصفة خاصة .

_ صوت حكيم من الاصوات اللي تخليك تتجاوز عن أي لحن او كلام .. صوته مزيكا لوحده الحقيقة .

_ احمد حسن كوكا في اعلان بيبسي بيقول “بس لو قلشت مني في العارضة بلاش تحفيل انا في عرضك” .. عارضة ايه يا كوكا احنا طموحاتنا معاك الكورة بس ماتخرجش بره محيط مدينة نصر .

_ نبيل معلول مش عاجبه النني لو نزل له علي غزال ممكن يروح يكمل باقي حياته في المحلة الكبرى .

_ المباراة مقلقة للغاية ولا تبشر بإمكانية فوز مصر بالبطولة .

_ محمود علاء رجل المباراة وتريزيجيه وطارق حامد مجتهدين كالعادة .

_ طالما طريقة لعب اجيري بتعتمد على الكور الطولية لصلاح وتريزيجيه ليه استبعد صالح جمعة احسن لاعب في مصر بيعمل كور طولية في ضهر المدافعين .

_ تغييرات غريبة جدا من مدرب مغيب أعطت السيطرة لزيمبابوي وخروج تريزيجيه ولعب صلاح كمهاجم قضى على أطراف الملعب .

_ صلاح بيعامل زملائه كأنهم ساديو ماني واتسم بالأنانية الشديدة .

_ لن يدرك اجيري سوء اختياره للقائمة إلا في الأدوار الاقصائية وأخشى ان يدفع المنتخب ضريبة ذلك .

_ مبروك اول ثلاث نقاط وربنا يستر في القادم .